08 Dec
Written by 

የፌዴራል ጠቅላይ ፍርድ ቤት ሰበር ሰሚ ችሎት ፋይል ለማስከፈት መሟላት ስለሚኖርባቸው ጉዳዮች

ሰላም እንዴት ናችሁ! ዛሬ የሰበር ቅሬታ ወይም አቤቱታ ለፌዴራል ጠቅላይ ፍርድ ቤት ሰበር ሰሚ ችሎት ለማቅረብ መሟላት ስላለባቸው ጉዳዮች አጭር ነገር ልናስታውሳችሁ ወደድን፡፡ በዚህ መሠረት አንድ ጉዳይ በስር ፍርድ ቤት መሠረታዊ የሕግ ስህተት አለበት በመሆኑም በሰበር ሊታረምልኝ ወይም ሊታይልኝ ይገባል የሚል አንድ አቤቱታ አቅራቢ ማሟላት የሚገባቸው ወይም ጥንቃቄ ሊደረግባቸው የሚገቡ ሁኔታዎችን እንደሚከተለው አቅረበናል፡፡

 

ሰበር ሰሚ ችሎት አንድን ጉዳይ ለማቅረብ መረጋገጥ ከሚገባቸው ነገሮች መካከል አንድ የስር ፍርድ ቤት ሰነዶች ይገኝበታል፡፡ በዚህም መሠረት ጉዳዩ ከወረዳ፤ ከማህበራዊ  ፍርድ ቤትወይም ከመጀመሪያ /ቤት ወይም ከከፍተኛ ፍ/ቤት ወይም ከክልል ጠቅላይ /ቤት ወይም ከክልል ጠቅላይ ፍ/ቤት ሰበር ሰሚ ችሎት ከተነሳ በጉዳዩ ቅር የተሰኙበት ውሳኔው /የውሳኔ ሰነዱ/

  1. ቀኑ እና የፋይል ቁጥሩ የሚነበብ
  2. የተሰየሙ ዳኞች ስም ያለው
  3. የተከራካሪ ወገኖች ስም ያለው

መሆኑን በትክክል ያረጋግጡ!

 

የውሳኔ ሰነዱ ከላይ የተገለጹትን ነገሮች ሟሟላቱን ካረጋገጡ በኋላ በሁሉም ውሳኔዎች ወይም የውሳኔ ሰነዶች ላይ የየፍ/ቤቱ ማኅተም በግልጽ የሚታይና ስርዝ ድልዝ የሌለው መሆኑን ማረጋገጥ አይዘንጉ፤ በተጨማሪ የመጨረሻው ፍርድ ቤት የሰጠው መሸኛ መሠረት በማድረግ የገፆች ብዛት እንደየ ፍርድ ቤቱ ትክክለኛነት ማረጋገጥ ያስፈልጋል፤ በተጨማሪም የፍ/ቤቶቹ ውሳኔዎች በግልጽ የሚነበቡና ተከታታይነት ያላቸው መሆናቸው አረጋግጠው ማቅረብ አለብዎት፡፡

 

የውሳኔ ሰነዶቹ ትክክለኛ መረጃ እና መኅተም መያዛቸውን ካረጋገጡ በኋላ የመጨረሻው ፍርድ ቤት የሰጠው ውሳኔ/ትዕዛዝ/ብይን ከተሰጠበት ቀን ጀምሮ 90 ቀን በመቁጠር ጳጉሜን ጨምሮ ቀኑ ያላለፈበት መሆኑን ማረጋገጥ አለበዎት፡፡ ውሳኔው ከተሰጠ 90 ቀን ያለፈው እንደሆነ ከሕግ ባለሙያ ጋር ተነጋግረው የማስፈቀጃ ጥያቄ እንዲያቀርብ ማድረግ ይኖርበዎታል፤

 

የሰበር ቅሬታውን ወይም አቤቱታውን የሚያመለክቱት ራስዎ /በግልዎ/ ከሆነ ቅሬታው (አቤቱታው) ላይበሁሉምገጾች ላይመፈረምዎን አይዘንጉ! የሰበር ቅሬታውን ወይም አቤቱታውን የሚያቀርቡት ማረሚያ ቤት ሆነው እንደሆነ (አቤቱታው) ላይ ከርሶ ፊርማ በተጨማሪ የማረምያቤቱማህተምመኖሩን ያረጋግጡ፤

 

የሰበር ቅሬታዎን ወይም አቤቱታዎን በራስዎ ማቅረብ ካልቻሉና ሌላ ሰው የወከሉ እንደሆነ የተወካዩ ፊርማ በሁሉም ገጾች ላይ ማኖርና የውክልና ማስረጃ ማያያዝዎን አይዘንጉ! ውክልናው በአማርኛ ከሆነ የውክልና ኮፒ፣ ውክልናው በክልል ቋንቋ የተጸፈ ከሆነ ወደ አማርኛ የተተረጎመ ከዋናው ኮፒ ጋር በመያያዝ መቅረብዎን አይዘንጉ! 

 

የሰበር ቅሬታዎን ወይም አቤቱታዎን በጠበቃ የሚያቀርቡ ከሆነ ጠበቃው ቅሬታው ወይም አቤቱታው ላይ መፈረሙን፣ የውክልና ማስረጃ ማያያዙን ያረጋግጡ! ውክልናው በአማርኛ ከሆነ የውክልናው ኮፒ፤ በሌላ ቋንቋ ከሆነ ደግሞ ወደ አማርኛ አስተርጉመው የአማርኛ ትርጉም በተጨማሪ የዋናው ኮፒ መያያዝ ይኖርባቸዋል፡፡

 

ከላይ የተገየፁት ውሳኔዎች፤ ውክልና፤ የጥብቅና አገልግሎት ውል፤ የተገደደበት ወረቀት/ትእዛዝ  በክልል ቋንቋ የተጻፉ ከሆነ በሕጋዊ ትርጉም /ቤት ወደ አማርኛ ተተርጉመው ትርጎሞቻቸው መያያዝ አለባቸው፡፡

Last modified on Friday, 22 May 2015 11:03
Liku Worku

Liku Woku is a founder and administrator of Abyssinia Law. He graduated From Mekelle University with LLB (2007) and the University of London with a LLM in Advanced Legislative Studies (2012). Currently, he is a consultant and attorney at law. Before joining the advocacy world Mr. Liku worked as a Draft Person and Public Prosecutor at Ministry of Justice and Part-time Lecturer at Addis Ababa University. As a founder of abyssinialaw he is responsible for the development of free access to Public legal information.

Website: www.legalserviceethiopia.com