18 February 2014 Written by 

አቶ መላኩ ፈንታ የክስ መቃወሚያቸውን ለፍርድ ቤቱ አቀረቡ

በሙስና ወንጀል ተጠርጥረው ክስ የተመሰረተባቸው አቶ መላኩ ፈንታ እና ገብረዋህድ ወለደጊዮርጊስን ጨምሮ ሌሎች ተከሳሾች የክስ መቃወሚያቸውን ዛሬ ለፌደራሉ ከፍተኛ ፍርድ ቤት 15ኛ የወንጀል ችሎት  አቀረቡ።

ዛሬን ጨምሮ ባለፈው ቀጠሮ በሶስቱም መዝገቦች የተዘረዘሩ 66ቱም ተከሳሾች በቀረበባቸው ክስ ላይ ያላቸውን መቃወሚያ ሙሉ ለሙሉ አቀርበው አጠናቀዋል።

ይህን ተከትሎም ከሳሽ የፌዴራል የስነምግባር እና የጸረሙስና ኮሚሽን ፥ አቃቢ ህግ በቀረበው መቃወሚያ ላይ አስተያየቱን እንዲያቀርብ ፍርድ ቤቱ ትእዛዝ ሰጥቷል።

የኮሚሽኑ አቃቢ ህግ ተከሳሾቹ ብዛት ያላቸው በመሆኑ እና የክስ መቃወሚያቸውን በዝርዝር ተመልክቼ ምላሽ ለመስጠት እንድችል የሶሰት ወራት የጊዜ ቀጠሮ ይሰጠኝ ሲል ፍርድ ቤቱን ጠይቋል።

የተከሳሽ ጠበቆች በበኩላቸው ፥ መቃወሚያ ለማቅረብ አቃቢ ህግ የጠየቀው የጊዜ ቀጠሮ ተገቢነት የለውም ፣ ደንበኞቻችን  የሚጎዳ ነው ፣ በመሆኑም ፍርድ ቤቱ ጉዳዩን ተመልክቶ አጭር የጊዜ ቀጠሮ ይስጠን ሲሉ  አመልክተዋል።

የግራ ቀኝ ክርክሩን የተመለከተው የፌዴራሉ ከፍተኛ ፍርድ ቤት 15ተኛ ወንጀል ችሎትም  በከሳሽ አቃቢ ህግ የቀረበውን የሶስት ወራት የጊዜ ቀጠሮ ወድቅ በማድርግ  ለመጋቢት 9 ቀን 2006 ዓ.ም  አቃቢ ህግ ባቀረበው መቃወሚያ ላይ አስተያየቱን እንዲያቀርብ  ትእዛዝ ሰጥቷል።

Abyssinia Law

Abyssinia Law is  a legal resource portal providing open access to primary and secondary legal materials for Ethiopia, such as laws, court decisions, articles, contact guidance and Lawyers Directory - with texts supplemented by online videos, a discussion forum and user blog. The service gives free access to Federal and State consolidated laws of Ethiopia (with status information whether the law is amended, repealed or effective)

Website: www.facebook.com/ethiopianlaws