12 February 2014 Written by 

በማር ምርት ላይ እሴት መጨመርን የሚያስገድድ የህግ ማእቀፍ ሊዘጋጅ ነው

ከስምንት እስከ አስር ሚሊዮን የንብ መንጋ ያላት ኢትዮጵያ በማር ምርት ከአፍሪካ ቀዳሚ  ከአለም ደግሞ ከአስር ቀዳሚ ሀገራት መካከል ብትገኝም ከዘርፉ የምታገኘው የውጭ ምንዛሬ አናሳ መሆኑ ነው የሚነገረው።

ያላት የንብ ሀብትም በአመት እስከ 500 ሺህ ቶን ማርን እንድታመርት የሚያስችል ሲሆን ፥ የሀገሪቱ አመታዊ ምርት ማለትም 53 ሺህ ቶን ፤ ከአገሪቱ አጠቃላይ አቅም ከ10 በመቶ ብዙም አይበልጥም ።

ዘርፉ ከባህላዊ አሰራር አለመውጣቱ እንዲሁም በተገቢው መጠን ጥቅም ላይ አለመዋሉ ደግሞ ለዚህ በምክንያትነት የሚቀመጥ መሆኑን ነው ዶክተር ደሳለኝ ቤኛ በሆለታ የግብርና ምርምር ተቋም ከፍተኛ የንብ ባለሙያ የሚናገሩት ።

በሌላ በኩል ሀገሪቱ ከምታመርተው 53 ሺህ ቶን አመታዊ ምርት አምስት በመቶ የሚሆነውን ብቻ በመላክ ነው በአለም አቀፍ ገበያው እየተወዳደረች ያለችው።

ኢትዮጵያ ከሌሎች ሀገራት ይልቅ ለማር ምርት ምቹ መሆኗ እና የኢትዮጵያው ማርም የተፈጥሮ መሆኑ ተመራጭ እንዳደረገው የዘርፉ ባለሙያዎች ይናገራሉ ፤ ይሁንና ከሚመረተው ማር 80 በመቶ ያህሉ የማይጣራ መሆኑ ከሃብቱ ተገቢውን ያህል ጥቅም አንዳይገኝ እያደረገ ይገኛል ።

የማር ማጣሪያ ድርጅትን ለመክፈት ፤ አንድ ባለሀብት የቦታ ክራይን ሳይጨምር 1 ነጥብ 5 ሚሊዮን ብር የሚጠይቅ ሲሆን ፥ ፋብሪካውን ለማቋቋምም ከከተማ መውጣት ማስፈለጉ ባለሀብቶች በዘርፉ እንዳይሰማሩ ከሚያደርጉ ምክንያቶች ዋነኛው መሆኑን ነው አንዳንድ  የማር ማቀናበሪያ ፋብሪካ ባለቤቶች የሚናገሩት።

በተያያዘ ማር በዘመናዊ መንገድ ተጣርቶ ለገበያ አለመቅረቡ እግረ መንገድ የሚገኘው ፣ ለበርካታ መዋብያዎች ግብአትና ለጽዳት አገልግሎት የሚውለው ሰም እንዲሁ እንዲባክን ያደርጋል።

መንግስት ዘርፉን እንደሌሎች የአምራች ኢንዱስትሪዎች ሁሉ እንዲስፋፋ ማበረታቻዎችን በማቅረቡም በቂም ባይሆንም አሁን አሁን ባለሀብቶች ወደ ዘርፉ እየመጡ እንደሆነ የሚናገሩት ደግሞ  የንብ ሀብት ከፍተኛ ባለሙያው ዶክተር ደሳለኝ ናቸው።

ሆኖም አሁን የሚመጡትም ባለሀብቶች በብዛት ማር ላይ እሴት ሳይጨምሩ በማከፋፈል ላይ ስለሚገኙ ፤ ለጉዳዩ ከመንግስት በኩል ህጋዊ ማእቀፍ አስፈልጓል ይላሉ ዶክተር ደሳለኝ።

የማርን ምርት በእሴት ሰንሰለት ሆነ በብዛት የማሳደጉ ሁኔታ ገቢን የማሳደግ ጉዳይ ብቻ ሳይሆን አሁን ዘርፉ አቅፎት ያለውን የገቢ መጠን  በዚያው ልክ የማሳደግ  ነው ።

Abyssinia Law | Making Law Accessible!

Abyssinia Law is  a legal resource portal providing open access to primary and secondary legal materials for Ethiopia, such as laws, court decisions, articles, contact guidance and Lawyers Directory - with texts supplemented by online videos, a discussion forum and user blog. The service gives free access to Federal and State consolidated laws of Ethiopia (with status information whether the law is amended, repealed or effective)

Website: www.facebook.com/ethiopianlaws