10 February 2014 Written by 

በፅንስ ማቋረጥ ምክንያት በደረሰ አደጋ ሃኪሙ ተከሰሰ

ለህክምና የመጣችውን ነፍሰሡር ፅንስ ያለ ጥንቃቄ አስወርዶ በአካላቷ ላይ ጉዳት እንዲደርስ አድርጓል፤  ተጐጂዋን ለመርዳትም ፍቃደኛ አልበረም የተባለው የግሎባል ከፍተኛ ክሊኒክ ባለቤት ዶ/ር በላቸው ቶሌራ፤ በፌደራል የመጀመሪያ ደረጃ ፍ/ቤት ተከሰሰ፡፡ 
ሃኪሙ ባለፈው ህዳር ወር  ደም መሰል ፈሳሽ ነገር አይታ ወደ ሆስፒታሉ ለህክምና የሄደችውን የሁለት ወር ነፍሰጡር ወ/ት በላይነሽ ይመር፤ በጣቱ ብቻ በመመርመር “የፅንሱ አቀማመጥ ጥሩ አይደለም” በሚል እንድታስወርደው ይጠይቃታል፡፡ ወ/ት በላይነሽ ከተስማማች በኋላም፤ ጥንቃቄ በጐደለው ሁኔታ በማህፀኗ ውስጥ ብረት በማስገባት፣ የማህፀኗ ግድግዳ 3.2 ሴ.ሜትር እንዲሸነቆር፣70 ሴ.ሜትር የትንሹ አንጀት እንዲበላሽ ወይም እንዲሞትና ተቆርጦ እንዲወጣ እንዲሁም፣ 300 ሲሲ ደም ወደ ሆዷ እንዲፈስ በማድረግ በፈፀመው በቸልተኝነት በአካል ላይ ከባድ ጉዳት የማድረስ ወንጀል የመጀመሪያ ክስ ቀርቦባታል፡፡  
ተከሳሹ ግለሰቧን 987 ብር አስከፍሎ ውርጃ እንድትፈፅም ካደረጋት በኋላ ደሟ ፈሶ እራሷን ስትስት፣ ተገቢውን የህክምና እርዳታ ሳያደርግላት ወይም ለከፍተኛ የጤና ተቋም እርዳታ እንድታገኝ ተገቢውን መረጃ ሳይፅፍ፣ በራሱ መኪና የካቲት 12 ሆስፒታል  በመውሰድ “የማውቀው ዶክተር አለ ልጥራው” ብሎ ተጎጂዋን ጥሎ የጠፋ ሲሆን በፈፀመው በአደጋ ላይ የሚገኝ ሰውን ያለመርዳት ወንጀል ሁለተኛ ክስ ቀርቦበታል፡፡ ጉዳዩን እያየ ያለው በፌደራል የመጀመሪያ ደረጃ ፍ/ቤት መናገሻ ምድብ ችሎት ተከሳሹ “ይከላከል አይከላከል” የሚለውን ብይን ለመስጠት ለነገ ማክሰኞ የካቲት 4  ተለዋጭ ቀጠሮ ሰጥቷል፡፡

Last modified on Monday, 10 February 2014 14:54
Abyssinia Law | Making Law Accessible!

Abyssinia Law is  a legal resource portal providing open access to primary and secondary legal materials for Ethiopia, such as laws, court decisions, articles, contact guidance and Lawyers Directory - with texts supplemented by online videos, a discussion forum and user blog. The service gives free access to Federal and State consolidated laws of Ethiopia (with status information whether the law is amended, repealed or effective)

Website: www.facebook.com/ethiopianlaws