29 January 2014 Written by 

ቀደም ሲል የይዞታ ማረጋገጫ ካርታ ኖሯቸው በህገ ወጥ መንገድ ተጨማሪ ቦታ ለያዙ የህግ ማዕቀፍ ተዘጋጀ

በአዲስ ከተማ አስተዳደር ህገወጥ ተብለው የተለዩ እስከ 60 ሺህ የሚደርሱ የመሬት ይዞታዎች ሲኖሩ ፥ እነዚህን የመሬት ይዞታዎች መልክ ለማስያዝ ነው የአሁኑ የህግ ማእቀፍ የተዘጋጀው።

በከተማ አስተዳደሩ የይዞታ አስተዳደርና የሽግግር ጊዜ ፅህፈት ቤት ምክትል ሰራ አስክያጅ አቶ ደረጀ ላቀው እንዳሉት ፥ የመሬት ይዞታዎቹን መልክ የማስያዝ ስራ  በሁለት መንገድ የሚከናወን  ነው ፤ አንደኛው የሊዝ ስርዓቱን በመከተል ህጋዊ ማድረግ ሲሆን ፥ ሌላኛው ደግሞ ማንሳት ነው።

በከተማ አስተዳደሩ ህገ ወጥ እየተባሉ ያሉት የመሬት ይዞታዎች በግለሰቦች ቢያዙም የይዞታ ማረጋገጫ ካርታ የሌላቸው ናቸው።

አቶ ደረጀ በበኩላቸው በሊዝ አዋጁ  መሰረት በህገ ወጥ መንገድ የተስፋፉ የመሬት ይዞታዎች እንደ አሰፈላጊነቱ የሚስተናገዱት በሊዝ ክፍያ ፈፅመው መሆኑን በመጥቀስ ፥ የህግ ማእቀፉ ፀድቆ ተግባራዊ ሲደረግ ፤ ለግለሰቦቹ የባለቤትነት መብት የሚሰጥና ይዞታዎቹን በተሻለ ሁኔታ ለማልማት ያስችላል ይላሉ።

የህግ ማእቀፉ ህገወጥ የመሬት ወረራን የሚያስቀር እንደሆነና  በተሳሳተ ግንዛቤ አሁንም በህገ ወጥ መንገድ የመሬት ይዞታቸውን የሚያስፋፉ አካላት ላይ ግን ተገቢው እርምጃ እንደሚወሰድ ነው የገለፁት።

በአዲስ አበባ ከተማ አስተዳደር የይዞታ አስተዳደርና የሽግግር ጊዜ ፅህፈት ቤት ምክትል ስራ አስክያጅ አቶ ደረጀ ላቀውም  ቅጣቱ  በገንዘብና በእስራት የሚተገበር መሆኑን ገልፀዋል።

አብዛኛው ከህግ ማእቀፉ ዝግጅት ጋር የተያያዙ ስራዎች በመጠናቀቃቸው የህግ ማእቀፉ ለካቢኔ ቀርቦ በቅርቡ እንዲፀድቅ የሚደረግ ሲሆን ፤ ይህም በተያዘው ዓመት ተፈፅሞ ተግባራዊ ስራዎች ይጀመራል ተብሏል።

Last modified on Wednesday, 29 January 2014 16:44
Abyssinia Law | Making Law Accessible!

Abyssinia Law is  a legal resource portal providing open access to primary and secondary legal materials for Ethiopia, such as laws, court decisions, articles, contact guidance and Lawyers Directory - with texts supplemented by online videos, a discussion forum and user blog. The service gives free access to Federal and State consolidated laws of Ethiopia (with status information whether the law is amended, repealed or effective)

Website: www.facebook.com/ethiopianlaws