19 April 2016 Written by 

የመንግሥት መሥሪያ ቤቶች ዕድሜያቸው እስከ ሦስት ዓመት የሆኑ የሠራተኞቻቸውን ልጆች ማቆያ ማዕከላት እንዲያዘጋጁ የሚያስገድድ ረቂቅ አዋጅ ተዘጋጀ

የመንግሥት መሥሪያ ቤቶች ዕድሜያቸው እስከ ሦስት ዓመት የሆኑ የሠራተኞቻቸውን ልጆች ማቆያ ማዕከላት እንዲያዘጋጁ የሚያስገድድ ረቂቅ አዋጅ መዘጋጀቱን ሰማን፡፡

የፐብሊክ ስርቪስና የሰው ኃብት ልማት ሚኒስቴር የመንግሥት ሠራተኞች ዕድሜያቸው እስከ ሦሰት ዓመት ያሉ ህፃናት የሚቆዩበት ማዕከላት በተቋማት ማቋቋምን ጨምሮ ሴቶችን ተጠቃሚ የሚያደረጉ ሃሳቦች በሚሻሻለው የመንግሥት ሠራተኞች ረቂቅ አካቷል፡፡ ሚኒስትር ዴኤታው አቶ መንግሥት አልማው እንደሚሉት፣ የህፃናት ማቆያ አገልግሎት መሽጫ ማዕከላት በተቋማት እንዲዘጋጅ መደረጉ በሴት ሠራተኞች የሃሳብና ተያያዥ ጫናዎችን በመቀነስ  ምቹ የሥራ ቦታ ለመፍጠር ያስችላል ብለዋል፡፡

ይህ አዋጅ ወላጆች በተለይም እናቶች ከህፃን ልጆቻቸው ርቀው የማይሠሩ በመሆናቸው በሥራቸው ተወዳዳሪና በቂ እንዲሆኑ እንደሚረዳም ተጠቁሟል፡፡ ተቋማትም ቢሆኑ በህፃን ልጃቸው ምክንያት በተደጋጋሚ ከሥራ ገበታቸው የሚቀሩ ወላጅ ሴት ሠራተኞቻቸው ቁጥርን በእጅጉ በመቀነስ የሥራና የአገልግሎት አሰጣጥ ጥራትን ያሳድጋላቸዋል፡፡ ረቂቅ አዋጁ ከባለድርሻ አካለት ጋር ውይይት ተደረጎ ግብዓት ከተሰበሰበበት በኋላ በተያዘው ዓመት ለሚኒስትሮች ምክር ቤት እንደሚቀርብ ሚኒስትር ዴኤታው አቶ መንግሥት አልማው ተናግረዋል፡፡ በተመሳሳይ ይህን ተግባራዊ ለማድረግ የሚያስችል የህፃናት ማቆያ አገልግሎት መስጫ ማዕከል ማቋቋሚያ የአሠራር መመሪያ መዘርዝርን የሴቶችና ህፃናት ጉዳይ ሚኒስቴር አዘጋጅቷል፡፡ በመዘርዝሩ ውስጥ ከተካተቱ ዋና ዋና ጉዳዮች ውስጥም የማዕከሉ ይዘት፣ የሚሰጡ አገልግሎቶች፣ በተጠቃሚዎች ሊሟሉ የሚገባቸው ግዴታዎች ይገኙበታል፡፡

በሚኒስቴሩ የሴቶች ማካተትና ተጠቃሚነት ክትትልና ግምገማ ባለሙያ አቶ አሸናፊ ፈይሳ የሚቋቋሙ ማዕከላት በቦርድ እንደሚመሩ የተናገሩ ሲሆን፣ በመንግሥት ተቋማት፣ በልማት ድርጅቶችና ኢንዱስትዎች የሚሠሩ ሠራተኞችን ተጠቃሚ እንደሚያደርጉም ጠቁመዋል፡፡ ከላይ በተጠቀሱት ተቋማትም እናት ሠራተኛ ባትሆን እና አባት ግን በተቋማቱ ሠራተኛ ከሆነ አገልግሎቱን የሚያገኝ ይሆናል፡፡ የፐብሊክ ሰርቪስና የሰው ሃብት ልማት ሚኒስቴር አዋጁን በያዝነው ዓመት ለሚኒስትሮች ምክር ቤት እንደሚቀርብ አመላክቷል፡፡

Last modified on Tuesday, 19 April 2016 16:40
Abyssinia Law | Making Law Accessible!

Abyssinia Law is  a legal resource portal providing open access to primary and secondary legal materials for Ethiopia, such as laws, court decisions, articles, contact guidance and Lawyers Directory - with texts supplemented by online videos, a discussion forum and user blog. The service gives free access to Federal and State consolidated laws of Ethiopia (with status information whether the law is amended, repealed or effective)

Website: www.facebook.com/ethiopianlaws