15 April 2016 Written by 

የፌዴራል ጠቅላይ ዐቃቤ ሕግ ማቋቋሚያ ረቂቅ አዋጅ ጸደቀ

የሕዝብ ተወካዮች ምክር ቤት 16 መደበኛ ስብሰባው የፌዴራል ጠቅላይ ዐቃቤ ሕግ ማቋቋሚያ ረቂቅ አዋጅ ለይ ከተወያየ በኋላ ረቂቅ አዋጁ ለዝርዝር እይታ ለሕግ፣ ፍትሕና አስተዳደር ጉዳዮች ቋሚ ኮሚቴ እንዲመራ መወሰኑ ይታወሳል።

ቋሚ ኮሚቴው በረቂቅ አዋጁ ላይ ከሚመለከታቸው የባለድርሻ አካላት መንግሥታዊና መንግሥታዊ ያልሆኑ ተቋማት እና የህብረተሰብ ክፍሎች ዝርዝር ውይይት በማካሄድ ሪፖርትና የመነሻ ሀሳብ ለምክር ቤቱ አቅርቧል። የቋሚ ኮሚቴው ሰብሳቢ አቶ ገብረእግዚአብሄር አርአያ የፌዴራል ጠቅላይ ዐቃቤ ሕግ መቋቋም የወጡ ሕጎችን በአግባቡ ተግባራዊ መሆናቸውን ለመከታተል ከፍተኛ ድርሻ እንደሚኖረው ገልጸዋል። የቋሚ ኮሚቴው ሪፖርት መሠረት በማድረግም የምክር ቤቱ አባላት ጥያቄዎችና አስተያየታቸውን ያቀረቡ ሲሆን በቋሚ ኮሚቴውና በፍትሕ ሚንስትሩ አቶ ጌታቸው አምባዬ ምላሽና ማብራሪያ ተሰጦባቸዋል።

ምክር ቤቱ የቀረበለትን ሪፖርትና የውሳኔ ሃሳብ ከመረመረ በኋላ ረቂቅ አዋጁ በሙሉ ድምጽ አጽድቋል። ተጠሪነቱ ለፌዴራል እና አርብቶ አደር ልማት ጉዳዮች ሚኒስቴር የነበረው የፌዴራል ፖሊስ ኮሚሽን በተሻሻለው አዋጅ ለጠቅላይ ሚንስትር እንዲሆን መደረጉ ኃላፊነቱ የበለጠ እንዲወጣ እንደሚያስችለው ኮሚቴው ገልጿል።

የፌዴራል ማረሚያ ቤቶች ኮሚሽን ለጠቅላይ ዐቃቤ ሕግ ተጠሪ እንዲሆን መደረጉም የተሻለ የሥራ ትስስር፣ ድጋፍና ክትትል የሚያገኝበት አሠራር በመፍጠር ውጤታማ እንዲሆን እንደሚያደርገው የሕግ፣ ፍትሕና አስተዳደር ቋሚ ኮሚቴው አመልክቷል::

Last modified on Tuesday, 17 May 2016 11:46
Abyssinia Law | Making Law Accessible!

Abyssinia Law is  a legal resource portal providing open access to primary and secondary legal materials for Ethiopia, such as laws, court decisions, articles, contact guidance and Lawyers Directory - with texts supplemented by online videos, a discussion forum and user blog. The service gives free access to Federal and State consolidated laws of Ethiopia (with status information whether the law is amended, repealed or effective)

Website: www.facebook.com/ethiopianlaws