Latest blog posts

የብሔራዊ መረጃና ደኅንነት የአገር ውስጥ ኃላፊ የነበሩት አቶ ወልደ ሥላሴ ወልደ ሚካኤል፣ የፌዴራል የሥነ ምግባርና ፀረ ሙስና ኮሚሽን በምርመራ ወቅት ተፈራርመው የተረካከቡበትን ሰነድ (ቨርቫል) ሊሰጣቸው ባለመቻሉ፣ ጉዳት እየደረሰባቸው መሆኑን ለፍርድ ቤት ታኅሳስ 13 ቀን 2007 ዓ.ም. አመለከቱ፡፡ 

አቶ ወልደ ሥላሴ ክሱን እየመረመረው ላለው የፌዴራል ከፍተኛ ፍርድ ቤት 15ኛ ወንጀል ችሎት እንደገለጹት፣ ተጠርጥረው በኮሚሽኑ መርማሪዎች ሲያዙ ቤታቸው ሦስት ጊዜያት ተፈትሿል፡፡ የተገኙ ማስረጃዎችንም በምስክሮች ፊት ተፈራርመው ለመርማሪ ቡድኑ አስረክበዋል፡፡ አቶ ወልደ ሥላሴ የተመሠረተባቸውን ክስ እንዲከላከሉ በተሰጠው ብይን መሠረት መከላከያ ምስክሮቻቸውን ለማሰማት ማስረጃውን ከኮሚሽኑ ሲጠይቁ፣ የተሰጣቸው መጻሕፍት የተቆጠረበት መረካከቢያ ሰነድ (ቬርቫል) ብቻ ነው፡፡ ሌሎቹን ሲጠይቁ የኤግዚቢት ኦፊሰሩ ሥልጠና ስለሆኑ ስልክ እንደሚደውሉላቸው ከመገለጽ ባለፈ ሊያገኟቸው እንዳልቻሉ ተናግረዋል፡፡ 

የዓቃቤ ሕግ ምስክሮች ከመሰማታቸው በፊት እንዲሰጣቸው መጠየቃቸውን ያስታወሱት አቶ ወልደ ሥላሴ፣ ከ2006 ዓ.ም. ጀምሮ እስካሁን ሰነዱ እንዳልተሰጣቸውና እህታቸው ትርሐስ ወልደ ሚካኤል እናቷን ልትጠይቅ መጥታ በመታሰሯ አብራቸው እየተጎዳች መሆኗን አስረድተዋል፡፡ 

ከሐምሌ 21 ቀን 2006 ዓ.ም. ጀምሮ ለዘጠኝ ጊዜያት የፌዴራል ወንጀል ምርመራ (ማዕከላዊ) ኤግዚቢት ክፍል በመሄድ ሦስት ጊዜያት ዳይሬክተሩን፣ ስድስት ጊዜያት ደግሞ የተለያዩ ኃላፊዎችን ማነጋገራቸውን የገለጹት የአቶ ወልደ ሥላሴ ጠበቃ፣ በወቅቱ የኮሚሽኑ መርማሪ የነበሩት ግለሰብ እስካሁን እንዳላስተላለፉት እንደተነገራቸው ገልጸዋል፡፡ 

መርማሪው አይደለም ለበርካታ ወራት ለጊዜያዊ ምርመራ ሲወጣ እንኳን፣ ለምርመራ መውጣቱን ገልጾ ለሌላ መርማሪ አስተላልፎ መውጣት እንደነበረበት የተናገሩት ጠበቃው፣ እንዴት ወደ ኮሚሽኑ ንብረት ክፍል ሊያስተላልፉት እንዳልቻሉ እንዳልገባቸው ገልጸዋል፡፡ 

በቂ ልፋት ማድረጋቸውንና ፍርድ ቤቱም ማዘዙን ያስታወሱት ጠበቃው፣ ፍርድ ቤቱ ሁሉም የተሟላ መረካከቢያ ሰነድ እንዲቀርብ ጥብቅ ትዕዛዝ እንዲሰጥላቸው አመልክተዋል፡፡ ኮሚሽኑ ኃላፊነት ስላለበት የተሟላና ኦርጂናል የሆነ የተረካከቡበትን ሰነድ እንዲያስረክባቸው በድጋሚ ጠይቀዋል፡፡ 

‹‹የእኛ መረካከቢያ ሰነድ ከኮሚሽኑ ውጪ ለምን በመርማሪ እጅ ይቀመጣል?›› በማለት የጠየቁት አቶ ወልደ ሥላሴ፣ ‹‹ሰነዱ እከሌ ጋ ነው፣ እንትና ጋ ነው፤›› የሚለው መመላለስ እየጎዳቸው መሆኑን ተናግረዋል፡፡ 

የድምፅ (ኦዲዮ)፣ የምስል (ቪዲዮ)፣ የፒሲ፣ የአይፓድና የአይፎን ማስረጃዎችን መርማሪዎቹ መውሰዳቸውን ያስረዱት አቶ ወልደ ሥላሴ፣ ሌላም ተጨማሪ የሚያስፈልጋቸው ሰነድ በቤታቸው ውስጥ እንዳለ ገልጸው፣ ተፈቅዶላቸው በአጃቢ ኼደው እንዲያመጡ እንዲታዘዝላቸው ጠይቀዋል፡፡ 

ወንድማቸው አብሯቸው መኖሩንና ተከራይቶ የወጣው ሊያገባ ሁለት ወር ሲቀረው እንደነበር ጠቁመው፣ እሳቸው ጋ የነበረው ሰነድም በመርማሪዎቹ እንደተወሰደ ገልጸዋል፡፡ የእህታቸውም አብሮ መወሰዱን አክለዋል፡፡ 

ፍርድ ቤቱ የተፈራረሙበትን ሰነድ የኮሚሽኑ መርማሪ ይዘው እንዲቀርቡና ለፍርድ ቤቱ እንዲያስረዱ አዟል፡፡ መርማሪው ለምን እስካሁን ሊያስረክቡ እንዳልቻሉና የምርመራ ሒደቱ ምን ይመስል እንደነበር ዛሬ ቀርበው እንዲያስረዱም አዟል፡፡ ለኮሚሽኑ ያስተላለፉት ካለና በእጃቸው ያለውንም እንዲያቀርቡ ታዟል፡፡ ሦስት ጊዜ መፈረማቸው በተጠርጣሪው ስለተገለጸ ቬርቫሉን መርማሪው ይዘው ይቅረቡ በማለት ፍርድ ቤቱ አዟል፡፡ 


Editors Pick

Opinion/Critiques/Case Comment/Public Lecture
    ስለ ዜግነት አዎጁ በፃፍኩት ጽሑፍ ላይ አቶ ግዛዉ ለገሰ የተባሉ የሕግ ባለሙያ የፃፉት ምላሽ ደርሶኝ ተመለከትኩት፡፡ (የአቶ ግዛው ለገሰ ጽሑፍን ለማግኘት ይህንን ይጫኑ፡፡ ) በመጀመሪያ ጸሐፊው የሕግ ባለሙያ እንደመሆናቸውም ብሎም ጽሑፉን ያወጡት እሳቸው ስላልተስማሙበት የሕግ ጽሑፍ ምላሽ ለመስጠት እንደ መሆኑ...
6543 hits
Criminal Law Blog
በልደታ ክፍለ ከተማ ውስጥ ሺሻ በማስጨስ ተግባር ላይ ተሰማርተው የሚገኙ ግለሰቦች እና የማስጨሻ ቤቶች መኖራቸውን የተረዳው የልደታ ክፍለ ከተማ ፖሊስ መምሪያ እና በሥሩ የሚገኙ የተለያዩ ፖሊስ ጣቢያዎች የሺሻ ማስጨሻ ዕቃዎችን እና ሺሻ ሲያስጨሱ የነበሩ ግለሰቦችን በቁጥጥር ስር አውለዋል፡፡ ሺሻን ሲያስጨሱ የነበሩ ግ...
10130 hits
Taxation Blog
  በዚህ ጽሑፍ ስለ ግብር ስወራ ምንነት፣ በተለያዩ የግብር ዓይነቶች ሥር የግብር ስወራ ስለሚያቋቋሙ ድርጊቶች፣ ለግብር ስወራ መነሻ ሊሆኑ ስለሚችሉ ምክንያቶች እንዲሁም የመከላከያ መንገዶቹ ለመዳሰስ እሞክራለሁ፡፡ ይህንን ጽሑፍ ለመጻፍ መነሻ የሆነኝ የፌደራል መጀመሪያ ደረጃ ፍርድ ቤት የጉምሩክና ታክስ ወንጀል ችሎት...
12805 hits
Human Rights, Public Policy and Law Blog
This is a brief article I wrote for the internal newsletter of the EHRC; it never got published due to delays in the coming out of the newsletter. I have planned to update it with additional informati...
18244 hits

Top Blog Posts

About the Law Blog
  መግቢያ የአዲስ አባባ ከተማ አስተዳደር ካቢኔ ቀደም ሲል አውጥቶት የነበረውና የተከራየን ሰው ማስወጣት (በርግጥ ደንቡ ይህን ድርጊት አልከለከለም) እና የኪራይ ዋጋን መጨመር ለማገድ የወጣውን የደንብ ቁጥር 122/13 ማራዘሙን በድጋሜ አስታዉቋል፡፡ ይህ ደንብ የቤት አከራዮች ያከራዬት ቤት ላይ ዋጋ እንዳንይጨምሩ ...
Taxation Blog
It is perplexing for me, as a tax lawyer having worked for close to 10 years on Ethiopian tax laws, to see how the investment and finance community in Ethiopia is not worrying enough about the tax on ...
Succession Law Blog
መግቢያ ማንኛውም ሰው አንድ የፍርድ ውሰኔ ሊያገኝ የሚገባ ጉዳይ ያለው እንደሆነ ጉዳዩን ለማየት በሕግ ሥልጣን ለተሰጠው አካል ሊያቀርብ ሚችልበት የጊዜ ገደብ በልዩ ልዩ የሕግ ድንጋጌዎች ላይ ተመልክቶ ይገኛል፡፡ ይህን መሰል የጊዜ ገደብ በሕግ አጠራር ይርጋ ተብሎ የሚጠራ ሲሆን ትርጓሜውም በሕግ በተቀመጠው የጊዜ ገደ...
Succession Law Blog
መግቢያ የውርስ ህግ ክፍል በሆነው የፍትሐብሔር ህግ ቁጥር 826 ላይ እንደተመላከተው አንድ ሰው የሞተ አንደሆነ በሞተበት ጊዜ ዋናው መኖሪያው በሆነበት ስፍራ የዚህ የሟች የውርስ ሀብት ይከፈታል፡፡ የሟች ውርስ ሟች በሞተበት ቅጽበት የሚከፈት ቢሆንም የሟች የውርስ ሀብት እስከሚጣራ ድረስ የሟች ንብረት እንደ አንድ የ...