Latest blog posts

-  ክሱ ገና አልተሰማም

የፌዴራል ዓቃቤ ሕግ ‹‹ዶ/ር ኢንጂነር›› በሚል ሐሰተኛ ማዕረግ በመጠቀም የማታለል ወንጀል ፈጽመዋል በማለት ክስ የመሠረተባቸው አቶ ሳሙኤል ዘሚካኤል፣ በፍርድ ቤት ያቀረቡት የዋስትና ጥያቄ ለብይን ተቀጠረ፡፡

የተጠረጠሩበት የወንጀል ክስ ዋስትና የማያስከለክል መሆኑን በመግለጽ የዋስትና መብታቸው እንዲጠበቅላቸው ያቀረቡትን ጥያቄ፣ ከሳሽ ዓቃቤ ሕግ ሦስት ተቃውሞዎች በማቅረብ ጥያቄው ውድቅ እንዲደረግለት ጠይቋል፡፡

ዓቃቤ ሕግ ባቀረበው የመጀመሪያ መቃወሚያ እንዳስረዳው፣ ተጠርጣሪው ሦስት ተደራራቢ ክሶች ቀርበውባቸዋል፡፡ በመሆኑም ቅጣቱን በመፍራት ሊሰወሩ እንደሚችሉ በመግለጽ ዋስትናውን ተቃውሟል፡፡ የፌዴራል ሰበር ሰሚ ችሎት በቅጽ 13 እና 14 ላይ፣ ተጠርጣሪዎች ተደራራቢ ክስ ከተመሠረተባቸው ዋስትና እንደማይፈቀድላቸው ውሳኔ እንደሰጠበትም ዓቃቤ ሕግ አክሏል፡፡

የተጠርጣሪው ጠበቆች (ሁለት ናቸው) ዓቃቤ ሕግ ላቀረበው የመጀመሪያ መቃወሚያ በሰጡት ምላሽ ሦስት ተደራራቢ ክሶች በደንበኛቸው ላይ እንደቀረበባቸው አረጋግጠው፣ በፌዴራል ሰበር ሰሚ ችሎት ቅጽ 13 እና 14 ላይም የተላለፈው ውሳኔ እውነት መሆኑን አክለዋል፡፡ ነገር ግን የሰበሩ ውሳኔ የሚለው በከባድ ወንጀል ስለሚከሰስ ተጠርጣሪ እንጂ፣ በደንበኛቸው ላይ የተመሠረተው ክስና የተጠቀሰው አንቀጽ ዓይነት እንዳልሆነ ለፍርድ ቤቱ አስረድተዋል፡፡ ደንበኛቸው በመገናኛ ብዙኃን እንደተነገረውና እንደተወራው ሳይሆን፣ እጅግ በጣም ቀላልና ትንሽ በሆነ ከሁለት ሺሕ ብር እስከ 58 ሺሕ ብር የሚደርስ አነስተኛ ገንዘብ የተጠረጠሩ መሆኑንም አስረድተዋል፡፡ በመሆኑም የዓቃቤ ሕግ መቃወሚያ ክሱን ያላገናዘበ በመሆኑ ውድቅ እንዲደረግላቸው ጠይቀዋል፡፡

ዓቃቤ ሕግ በሁለተኛነት ባቀረበው መቃወሚያ ተጠርጣሪው በኢንተርፖል ተፈልገው የመጡ በመሆናቸው፣ ፍርድ ቤቱ ዋስትና ቢፈቅድላቸው አክብረው ይቀርባሉ የሚል እምነት እንደሌለው በመጥቀስ የዋስትና ጥያቄውን ተቃውሟል፡፡

ደንበኛቸው ዓቃቤ ሕግ እንዳለው ኮብልለው ከአገር ሳይሆን፣ ሕጋዊ ፓስፖርታቸውን ተጠቅመው በኢትዮጵያ አየር መንገድ የወጡ መሆናቸውን በመግለጽ፣ ሁለተኛውን የዓቃቤ ሕግ ተቃውሞን የተቃወሙት የተጠርጣሪው ጠበቆች፣ በወቅቱ በመገናኛ ብዙኃን ከሚነገረውና ከሚወራው ባለፈ በሕግ አስፈጻሚው ፖሊስ በኩል እንደሚፈለጉ እንዳልተገለጸላቸው (መጥሪያ እንዳልደረሳቸው) አስረድተዋል፡፡ ‹‹ኮብልለው በኢንተርፖል አማካይነት ነው የመጡት›› እንደማያስብልም አስረድተዋል፡፡ ተፈልገው ቢጠፉ ኖሮ ሊወጡ ሲሉ ቦሌ ዓለም አቀፍ አውሮፕላን ማረፊያ ሊያዙ ይችሉ እንደነበርም አክለዋል፡፡ ደንበኛቸው ኬንያ በነበሩበት ወቅትም እንደሚፈለጉ ተነግሯቸው ስላልቀሩ፣ ‹‹በኢንተርፖል ተይዘው መጥተዋል›› በሚል የዋስትና መብታቸው ሊታለፍ ስለማይገባው የዓቃቤ ሕግ ተቃውሞ ውድቅ እንዲደረግላቸው አመልክተዋል፡፡ 

ከሳሽ ዓቃቤ ሕግ በስተመጨረሻ ያቀረበው የዋስትና መቃወሚያ ተጠርጣሪው ቀደም ባሉት ጊዜያት በቼክ ተከሰው ጥፋተኛ ተብለው እንደነበር በማስታወስ፣ በዋስ ቢወጡ ሕግ አክብረው ይቀመጣሉ የሚል እምነት እንደሌለው በማስረዳት የዋስትና ጥያቄው ውድቅ እንዲደረግለት አመልክቷል፡፡ 

ቼክ ሕጋዊ ገንዘብን ተክቶ የሚሠራ መሆኑን በመናገር አንዳንድ ጊዜ ‹‹በቂ ስንቅ የለውም›› ተብሎ እንደሚመለስ ለፍርድ ቤቱ ያስረዱት የተጠርጣሪው ጠበቆች፣ ዓቃቤ ሕግ ቀደም ብሎ የተሰጠን ውሳኔ ለክርክር ማቅረቡ የወንጀለኛ መቅጫ ሥነ ሥርዓት ሕግ ቁጥር 138ን መተላለፍ መሆኑን አስረድተዋል፡፡ ደንበኛቸው ዋስትና ሊከለከሉ የሚችሉበት ምንም ዓይነት የሕግ ድጋፍ ስለሌለ፣ የዓቃቤ ሕግ መቃወሚያ ውድቅ ተደርጐ ደንበኛቸው በዋስ እንዲለቀቁ ጠይቀዋል፡፡

ፍርድ ቤቱ የሁለቱን ወገኖች ክርክር ካዳመጠ በኋላ መርምሮ ብይን ለመስጠት ለጥቅምት 5 ቀን 2007 ዓ.ም. ተለዋጭ ቀጠሮ ሰጥቷል፡፡ 


Editors Pick

Alternative Dispute Resolution Blog
መግቢያ አለም ዐቀፍ፣ የግልግል የዕርቅና የሽምግልና ተግባራት መሠረታዊ አላማ፣ ከተለያዩ  ሀገራት ዜጐች ወይም ኩባንያዎች ጋር የንግድ ግንኙነት በመሠረቱ ወገኖች መካከል የሚያጋጥም የንግድ አለመግባባትን ከመደበኛው የፍርድ ሂደት ወይም ሥነ-ሥርዓት ውጪ በገላጋዮች፣ በአስታራቂዎች ወይም በሽምጋዮች እንደተዋዋይ ወገኖች ...
11056 hits
Taxation Blog
  Introduction Burden of proof in tax disputes could rest either on the tax payer or on the tax authority or sometimes both could bear the burden of proof. For instance under the United States and Can...
5011 hits
Labor and Employment Blog
  1. The right to work of refugees  The right to work is one of the fundamental human rights recognized by different human rights instruments. The 1948 Universal Declaration of Human Rights (UDHR) und...
3581 hits
Constitutional Law Blog
  Introduction Various international, regional and domestic laws imposes obligation on the state to respect and protect fundamental human right and freedom. Stated otherwise, government has the duty r...
29934 hits

Top Blog Posts

About the Law Blog
  መግቢያ የአዲስ አባባ ከተማ አስተዳደር ካቢኔ ቀደም ሲል አውጥቶት የነበረውና የተከራየን ሰው ማስወጣት (በርግጥ ደንቡ ይህን ድርጊት አልከለከለም) እና የኪራይ ዋጋን መጨመር ለማገድ የወጣውን የደንብ ቁጥር 122/13 ማራዘሙን በድጋሜ አስታዉቋል፡፡ ይህ ደንብ የቤት አከራዮች ያከራዬት ቤት ላይ ዋጋ እንዳንይጨምሩ ...
Taxation Blog
It is perplexing for me, as a tax lawyer having worked for close to 10 years on Ethiopian tax laws, to see how the investment and finance community in Ethiopia is not worrying enough about the tax on ...
Succession Law Blog
መግቢያ ማንኛውም ሰው አንድ የፍርድ ውሰኔ ሊያገኝ የሚገባ ጉዳይ ያለው እንደሆነ ጉዳዩን ለማየት በሕግ ሥልጣን ለተሰጠው አካል ሊያቀርብ ሚችልበት የጊዜ ገደብ በልዩ ልዩ የሕግ ድንጋጌዎች ላይ ተመልክቶ ይገኛል፡፡ ይህን መሰል የጊዜ ገደብ በሕግ አጠራር ይርጋ ተብሎ የሚጠራ ሲሆን ትርጓሜውም በሕግ በተቀመጠው የጊዜ ገደ...
Succession Law Blog
መግቢያ የውርስ ህግ ክፍል በሆነው የፍትሐብሔር ህግ ቁጥር 826 ላይ እንደተመላከተው አንድ ሰው የሞተ አንደሆነ በሞተበት ጊዜ ዋናው መኖሪያው በሆነበት ስፍራ የዚህ የሟች የውርስ ሀብት ይከፈታል፡፡ የሟች ውርስ ሟች በሞተበት ቅጽበት የሚከፈት ቢሆንም የሟች የውርስ ሀብት እስከሚጣራ ድረስ የሟች ንብረት እንደ አንድ የ...